【北角警署外三十親友等候 教牧輔導家人：教到有是非之心嘅子女係家庭美事】

昨日在銅鑼灣及灣仔一帶遊行警方拘捕近200名示威者。今日早上曾掛起紅色暴雨，直至晚上8時北角警署外仍有約三十人在等候昨日在銅鑼灣及灣仔被捕的示威者。有人帶備飲品、毛巾、衣物及拖鞋等予被捕人士。 .

小雲是其中一名正在等候的親友，她從下午4時開始在警署外等候昨日在銅鑼灣被捕的朋友。她已等候4個小時，並指即使要等到凌晨，也會等到朋友出來為止。當她得悉朋友被捕後，第一反應是：「覺得佢蠢！不過擔心一定有嘅！始終佢係女仔，擔心班狗唔知會做咩！」問到若朋友出來後，有甚麼話想跟她說，小雲稱「快啲返屋企沖個涼，攰啦，辛苦晒！」。她以前亦有試過在警署等待其他朋友，但她並不會阻止曾被捕的朋友再參與抗爭，「呢啲佢自己選擇嚟嘅！」 .

在場守候的除了親友，還有幫忙做輔導的教牧Catherine。她今日約下午6時來到北角警署，為等候被捕人士的親友進行心理輔導。她與約5至6名親友交談，大多是看到有需要幫助的人就主動上次關心幫忙。她指親友很憂慮被捕人士在警署遭警方對待的情況，「佢地多數好擔心同傷心，驚佢地係警署唔夠衫、無飯食、食胡椒，有人比佢地傾會好好多。」 .

自從反送中運動以來，Catherine曾到警署協助作心理輔導近10次。昨日在港島一帶被捕的人士多被控非法集結，對比起之前數次，她指，「今次情況較輕微，無咁沉重，之前示威者多數被控暴動，啲人聽到呢條罪好嚇人，又覺得無理。」 .

對她來說，最深刻的是早期有被捕的示威者被警方打得滿身傷痕，親友在西九龍警署等到凌晨12時，「示威者係警署出到嚟成身傷晒，但一行出嚟就叫口號，叫光復香港，時代革命！」她看到年輕人受苦感到很痛心，但感動年輕人的公義之心仍在，「佢地心志不動搖，有啲家人明白是非，會支持佢地，但都有啲家人唔理解，唔嚟警署。」有一句話，她想對被捕示威者的家人說，「你地能夠教到有是非之心嘅子女，係家庭嘅美事，我好佩服，被捕係無錯，年輕人係守護緊公義。」